結束營業啦不如

想執左個xanga，因為懶得打，又冇野想話俾人聽，

都冇人睇，唔知要黎做咩，好廢......................

寫xanga我不如去寫blog，因為冇咁多英文，哈哈

黑糖瑪奇朵

一直很期待既一套劇，唔係人人都覺得好睇，但我覺得超讚，

原因係，我鐘意棒棒堂既關係，哈哈！

有一日，朝早起身，想沖咖啡飲，突然腦海閃過黑糖瑪奇朵幾個字，

就決定沖杯黎飲，用我台灣朋友寄黎既黑糖，一飲，

嘩，真係超好味，好夾，跟住開埋劇邊睇邊飲，好幸福呀~~~

套劇既歌，都好好聽，特別係棒棒堂唱既 【愛情瑪奇朵】，

第一首慢歌，算係情歌，令人感覺好舒服，不過佢地出歌真係好慢，

好耐先有新歌聽，我係一個冇耐性既人！

大家有機會，都試下整杯黑糖瑪奇朵飲啦，飲完好幸福架！

想回到過去

從來我都唔會想返轉頭，但今次我知我真係做錯左，

一個唔知會唔會有轉機既決定，時間過左咁耐，

發現自己真係冇變，依家先發現，希望唔會太遲........

雖然錢好重要，但我依家先感覺到，冇左最珍惜既人，

你所以野都有，你都唔會幸福，兩個人只要可以一齊，

我咩都可以唔要，時間尚早，可以一齊去慢慢行以後既路，

我已經好幸福，機會，還在我身邊嗎?

機會

事業開始有氣息，每個人既人生都有一百種可能，

例如工作上，如果你唔鐘意份工，你繼續做落去，

你只有一種可能，就係痛苦，如果你放棄份工，

你就會擁有一百種可能，呢個道理，係睇劇學到既，

諗諗下，都可能真係咁，好有道理既一句說話！

生存的動力

近排，真係發覺自己冇生存既動力，好似冇朋友咁，

我發覺，一俾自己停落黎，就會好似就死咁，係身體唔好?

定係有病?我唔知..............

好想知道，有抑鬱既人係點，發作既時候會點，

真係會想自殺?!?咁死左會去邊呢.........

好想睇戲，但係連去睇既動力都冇，諗起唔知點解會喊，

人人都可以去做想做既野，點解我唔得既，

我就好似重病既人咁，想去邊都唔得，

慢慢咁進入一個冇出口既黑洞....................